14 ستمبر کو ہونے والے پروگرام کی تیاریاں زروں پر

 بابر پور ضلع کانگریس پارٹی کا سب سے مضبوط ضلع ہے اور ہمیں اپنی یہ مضبوطی قائم رکھنی ہے : چودھری زبیر احمد 

محمدتسلیم 

نئی دہلی :12 ستمبر (سیاسی تقدیر بیورو ) دہلی پردیش کانگریس کمیٹی کے نو منتخب صدر ارویندر سنگھ لولی 14 ستمبر کو پارٹی دفتر میں اپنا چارج سنبھالیں گے ، اسی کے پیش نظر دہلی کانگریس لیڈران و کارکنان پہلے سے ہی تیاریوں میں مصروف ہو گئے ہیں ۔ اسی کڑی میں بابر پور ضلع کانگریس کمیٹی کے عہددران اپنی اپنی تیاریوں میں مصروف ہیں ۔ آج ضلع صدر چودھری زبیر احمد کی قیادت میں چوہان بانگر دفتر میں ایک میٹنگ کا انعقاد کیا گیا جس میں ضلع کے 2022 کے بلدیاتی الیکشن کے امیدواروں سمیت کثیر تعداد میں کارکنان نے بھی شرکت کی ۔اس موقع پر چودھری زبیر احمد نے کہاکہ جب سے ارویندر سنگھ لولی جی کو دہلی پردیش کانگریس کمیٹی کا صدر منتخب کیا گیا ہے کانگریس لیڈرا ن و کارکنان میں ایک نیا جوش دیکھنے کو مل رہا ہے ۔انہوں نے کہاکہ بابر پور ضلع کانگریس پارٹی کا سب سے مضبوط ضلع ہے اور ہمیں اپنی یہ مضبوطی قائم رکھنی ہے ۔14 ستمبر کو لولی جی اپنا چارج سنبھالیں گے جس کیلئے آپ کو دعوت نامے دئے جار ہے یہ دعوت نامے آپ اپنے اپنے وارڈ کے کانگریس لیڈران اور ذمہ دار حضرات کو دیں تاکہ و ہ پروگرام میں بڑھ چڑھ کر حصہ لے سکیں ۔اس موقع پر ڈیلی گیٹ سید ناصر جاوید نے کہاکہ بابر پور ضلع کانگریس کمیٹی پارٹی کے ہر کام کو اپنی پوری ذمہ داری کے ساتھ نبھاتی ہے ۔ یہی وجہ ہے کہ ہمارے ضلع سے لوگ دن بہ دن کانگریس پارٹی کا حصہ بن رہے ہیں ۔میٹنگ میں سنجے گوڑ ، راجکمار شرما ، موہن پہلوان ، ونود شرما ، چودھری نتھو سنگھ ، للت چوہان ، ریاض الدین راجو ، نیتی گرگ ، بر ہم ڈھیکیا ، مکیش پانچال ، چودھری دیو آنند ، اشتیاق شیخ ، شاداب حسن ، شہزاد خان ، چودھری ہنس رام ، انل شرما ، حاجی غفران ، بھارت بھوشن ، بھارت بھوشن ، عاقل رانا ، مہندر ٹھاکر ، کشواہا جی ، کماری رینو ، خالد خان ، آشیش شرما ، حاجی اسلام نوید پپو کے نام قابل ذکر ہیں ۔