حج کمیٹی کی تاریخ میں پہلی بار حج واک تھان کا انعقاد

نئی دہلی: 18 فروری (سیاسی تقدیربیورو) مرکزی اقلیتی وزیر کرن رجیجو نے آج جامعہ ملیہ اسلامیہ کے اسپورٹس گراؤنڈ میں دہلی اسٹیٹ حج کمیٹی کی طرف سے منعقدہ حج واک آتھون کا افتتاح کیا اور دہلی اسٹیٹ حج کمیٹی کی چیئرپرسن کوثر جہاں، جامعہ ملیہ اسلامیہ کے وائس چانسلر پروفیسرمظہر آصف کے ساتھ حج واک آتھون میں شامل عازمین حج یونیورسٹی کرکٹ گراؤنڈ میں پیدل چل کر آنے والے حج 2025 کے لیے حاجیوں کو اپنے آپ کو صحت مند رکھنے کی ترغیب دی گئی۔

اس موقع پر حج کمیٹی کے ایگزیکٹیو آفیسر اشفاق احمد عارفی کی جانب سے منعقد ہ و اک آتھون کی افتتاحی تقریب میں اپنے خیالات کا اظہار کرتے ہوئے مرکزی وزیر جناب کرن ری جی جو نے کہا کہ حج 2025 کے لیے اپنے دورہ سعودی عرب کے دوران انہوں نے عازمین حج کو ہر طرح کی سہولیات فراہم کرنے کے لیے مکمل انتظامات کیے ہیں اور امید ہے کہ اس سال 2025 کا حج سفر گزشتہ سالوں کے مقابلے پرامن اور بہتر طریقے سے ہوگا۔ حج کمیٹی کی چیئرپرسن کوثر جہاں نے اپنے خطبہ استقبالیہ میں اقلیتی امور کے وزیر کرن ری جی جو اور واک آتھون میں موجود عازمین عازمین حج اور دیگر کا خیرمقدم کیا۔دہلی اسٹیٹ حج کمیٹی کے ایگزیکٹیو آفیسر اشفاق احمد عارفی کی طرف سے جاری کردہ ایک سرکاری پریس ریلیز میں بتایا کہ حج 2025 میں حج کے دوران جسمانی اور ذہنی طور پر تندرست رہنے کے لیے سعودی حکومت کی طرف سے جاری کردہ ایڈوائزری کو نافذ کرنے کے لیے حکومت ہند کے وزارتِ اقلیتی امورکی اپیل پردہلی اسٹیٹ حج کمیٹی نے اس حج واک آتھون کا انعقاد کیا۔ جس کا بنیادی مقصد عازمین حج کو آنے والی 29 اپریل سے شروع ہونے والے حج کے لیے جسمانی اور ذہنی طور پر تیار کرنا ہے۔ حج واک آتھون کا اہتمام حج نظام کی تاریخ میں اپنی نوعیت کا ایک منفرد واقعہ ہے، جس کا پہلی بار اہتمام کیا گیا ہے اور عازمین حج کو دی جانے والی حج تربیت کے تحت پہلی بار اس انعقاد کا سہردہلی اسٹیٹ حج کمیٹی کو ا ملا ہے۔