کانگریس کی مضبوطی کیلئے چودھری متین احمد نے کسی کمر

 جن لوگوں نے کانگریس پارٹی کو چھوڑ دیا تھا وہ لوگ اب اپنے آپ کو ٹھگا ہوا محسوس کر رہے ہیں: متین احمد 

 محمد تسلیم 

نئی دہلی :23 اگست (سیاسی تقدیربیورو)چاندنی چو ک لوک سبھا انچارج اور کانگریس کے قد آور لیڈر چودھری متین احمد نے جب سے چاندنی چوک لوک سبھا کی کمان سنبھالی ہے تب سے متین احمد جگہ جگہ میٹنگ منعقد کر رہے ہیں اور دہلی کانگریس کے بکھرے ہوئے کانگریس کارکنان و لیڈران کو ایک پلیٹ فارم پر جمع کر رہے ہیں ۔اسی کڑی میں آج آزاد مارکیٹ میں ضلع نائب صدر محمد سعید خان کے دفتر میں ایک اہم میٹنگ کا انعقاد کیا گیا ۔جس میں مہمان خصوصی کے طور پر چودھری متین احمد نے شرکت کی ۔علاوہ ازیں میٹنگ میں سابق ایم ایل اے راجیش جین ، سابق کونسلر پریرنا سنگھ ، سابق کونسلر ٹھاکر داس ، سابق اُمیدوار پنکج رانا ، بلاک صدر راجو پنڈت ، دہلی پردیش کانگریس کمیٹی کے ڈیلی گیٹ سید ناصر جاوید ، شامل تھے ۔اس موقع پر کانگریس لیڈران نے زمینی سطح پر کس طرح کانگریس کو مضبوط کیا جائے اپنی اپنی رائے پیش کیں اور کن کن جگیہوں پر کانگریس کمزور ہے اور پرانے کارکنان کو کیسے واپس لایا جاسکتا ہے اس پر بھی تبادلہ خیال کیا گیا اور مستقبل کی منصوبہ بندی بھی کی گئی ۔ اس موقع پر چودھری متین احمد نے اپنے خطاب میں کہاکہ کانگریس پارٹی کے لیڈران و کارکنا ن کی خوبی رہی ہے کہ وہ ہمیشہ عوا م کے درمیان رہ کر ان کے مسائل سنتے ہیں اوران مسائل کو فوری طور پر حل کرنے کی کوشش کرتے ہیں ، لیکن کچھ سالوں سے لوگوں نے بدلاﺅ کے چکر میں آکر کانگریس پارٹی کو چھوڑ دیا تھا جس کا نتیجہ یہ ہوا کہ لوگ اب اپنے آپ کو ٹھگا ہوا محسوس کر رہے ہیں اور کانگریس کے دور کو یاد کر رہے ہیں ۔ انہوں نے کہا کہ دہلی کانگریس کے لیڈران و کارکنان نے آئندہ ہونے والے انتخابات کیلئے کمر کس لی ہے اور کانگریس 250 وارڈوں منڈل تشکیل دینے کا فیصلہ لیا ہے ، جس کی رپورٹ جلد از جلد جمع کرانی ہے ۔ انہوں نے مزید کہا کہ آپ لوگ کانگریس پارٹی کے سپاہی ہیں اور زمینی سطح پر کس طرح کام کرنا ہے اس سے بخوبی واقف ہیں ، اپنے اپنے وارڈ میں کانگریس کے کارواں کو آگے بڑھا نے کیلئے وارڈ میں ایسے لوگوں کا انتخاب کریں جو اپنے اپنے سماج میں اپنی ایک پہچان رکھتے ہو ں اور ہر سرگرمیوں میں سرگرم نظر آتے ہوں ۔ میٹنگ میں راجیش جین ، پریرنا سنگھ ، اور محمد سعید نے بھی اپنی اپنی تجاویز پیش کیں ۔ تاہم میٹنگ میں بنائے گئے منصوبے کے حساب سے فوری طور پر عمل کرنے کی یقین دہانی کرائی ۔اہم شرکاءمیںجغل کشور ، سننتوش شکلا ، رام وچن گوڑ، رینا آرتی ، عمران خان، انل کمار شرما ، یوسف صدیقی وغیرہ کے نام اہم ہیں ۔